Дзярждэпартамент ЗША адмяніў санкцыі ў дачыненні да прадпрыемства «Беларуснафта», што дзейнічалі з 29 сакавіка 2011 года.
Адпаведнае рашэнне за подпісам памочніка дзяржсакратара ЗША па пытаннях эканомікі і бізнесу Курта Тонга апублікаванае ў Федэральным рэгістры
«Дзяржаўны сакратар прыняў рашэнне зняць санкцыі, накладзеныя ў адпаведнасці з Актам аб санкцыях ў дачыненні да Ірана 1996 года, з рэспубліканскага ўнітарнага прадпрыемства «Беларуснафта» ў сувязі з тым, што кампанія больш не займаецца дзейнасцю, якая трапляе пад санкцыйныя абмежаванні, а таксама атрыманыя гарантыі, што не будзе займацца такой дзейнасцю ў будучыні. Такім чынам, некаторыя санкцыі, уведзеныя ў дачыненні да «Беларуснафты» 29 сакавіка 2011 года, больш не дзейнічаюць», — гаворыцца ў дакуменце.
***
Санкцыі на «Беларуснафту» былі накладзеныя Дзярждэпартаментам ЗША ў сакавіку 2011 года з сувязі з кантрактам беларускага прадпрыемства з іранскай кампаніяй NaftIran Intertrade.
«Злучаныя Штаты прымаюць дадатковыя меры для ўзмацнення націску на Іран за яго адмову выканаць свае міжнародныя абавязацельствы ў сувязі з ядзернай праграмай, — гаварылася ў паведамленні Дзярждэпартамента. — Адзін з ключавых элементаў нашай стратэгіі факусуецца на іранскіх магутнасцях па здабычы нафты і газу, якія, як прызнаецца ў рэзалюцыі Савета бяспекі ААН № 1929, Іран выкарыстоўвае для фінансавання сваёй дзейнасці па распаўсюджванні [ядзернай зброі], а таксама для маскіроўкі імпарту тавараў двайнога прызначэння».
«У межах гэтай стратэгіі Дзярждэпартамент увёў санкцыі ў дачыненні да беларускай дзяржаўнай энергетычнай кампаніі «Беларуснафта» ў адпаведнасці з Законам аб санкцыях да Ірана 1996 года, дапоўненым Законам аб усёабдымных санкцыях да Ірана, прыцягненні да адказнасці і дывеставанні 2010 года, — за яе ўдзел у іранскім нафтавым сектары», — адзначалася ў паведамленні Дзярждэпа.
Дзярждэпартамент, у прыватнасці, устанавіў, што ў 2007 годзе ВА «Беларуснафта» заключыла кантракт на 500 млн. долараў ЗША з іранскай NaftIran Intertrade Company для распрацоўкі нафтавага радовішча Джафейр. Закон 1996 года прадугледжвае накладанне санкцый на кампаніі, якія інвестуюць больш за 20 млн. долараў.
Цяпер чытаюць
Лукашэнка сустрэўся са спецпасланнікам Трампа Кітам Келагам12
Каментары