У сераду Літва святкуе 25-годдзе аднаўлення незалежнасці, з гэтай нагоды па ўсёй краіне пройдуць канцэрты, урачыстыя мерапрыемствы, выставы.
Вітаўтас Ландсбергіс, Казіміра Прунскене, Альгірдас Бразаўскас
Гістарычны выхад з Савецкага Саюза святочна адзначаць і ў Сойме. Пасля гэтага ў будынку парламента адбудзецца цырымонія ўзняцця сцягоў трох Балтыйскіх краін і пачнецца парад.
З нагоды свята ў Віленскай ратушы арганізуецца дыскусія круглага стала пра ўрокі гісторыі і выклікі сучаснасці, у ёй прымуць удзел палітыкі з Балтыйскіх краін, Паўночнай Еўропы, Польшчы, Украіны і ЗША.
11 сакавіка 1990 года Вярхоўны савет — Аднаўленчы сойм пад кіраўніцтвам Вітаўтаса Ландсбергіса абвясціў Акт аб аднаўленні незалежнасці Літвы, у якім казалася, што аднаўляецца скасаваная ў 1940 годзе знешняй сілай рэалізацыя суверэнных паўнамоцтваў Літоўскай дзяржавы.
Краіна атрымала міжнароднае прызнанне ў 1991 годзе. Першай Літву прызнала Ісландыя, яе прэзідэнт у гэтыя дні знаходзіцца з візітам у Вільні.
Цяпер чытаюць
Пракуратура пра смерць Мелказёрава: журналіст меў хранічную хваробу20
Каментары