У Беларусі знізіўся ахоп тэрыторыі мабільнай сувяззю
За 2014 год мабільная сувязь знікла на 0,8% тэрыторыі, ахоп насельніцтва паменшыўся на 0,1%.
Нацыянальны статыстычны камітэт апублікаваў справадачу «Беларусь у лічбах — 2015». Нягледзячы на рост колькасці абанентаў у 2014 годзе, ахоп тэрыторыі і насельніцтва спаў у параўнанні з 2013 годам.
У Беларусі на канец 2014 года было каля 11 401 900 абанентаў сотавай сувязі — па 1,2 сім-карты на жыхара краіны.
Колькасць абанентаў узрасла з 2013 года на 2,5%, на столькі жа ўзрасла колькасць абанентаў на 1000 чалавек.
Пры гэтым ахоп насельніцтва зменшыўся на 0,1%, а ахоп тэрыторыі — на 0,8%.
Упершыню колькасць абанентаў інтэрнэту перавысіла колькасць жыхароў Беларусі — на 1000 жыхароў на канец 2014 года прыйшлося 1022 абаненты.
На канец 2014 года ў Беларусі было каля 10 526 800 абанентаў усіх відаў перадачы звестак, з іх без выхаду ў інтэрнэт — 836 тысяч. Сярод абанентаў 18% юрыдычных асоб.
Прапускная здольнасць знешніх каналаў значна ўзрасла за год — з 480 Гбіт/с у 2013-м да 783 Гбіт/с у 2014-м.
-
Навукоўцы даказалі марнасць інтэрнэт-спрэчак: ніхто не мяняе думку, а вынікі не рэпрэзентуюць большую частку грамадства
-
ШІ бяссільны перад мастацтвам: вершаваныя запыты змусілі яго расказаць, як ствараць атамныя бомбы і ламаць сайты
-
У Зямлі ёсць хвост, які цягнецца як мінімум на 2 мільёны кіламетраў
Каментары