30 сакавіка ў Гомелі ў грамадскім цэнтры (вул. Палеская, 52) Беларускі ПЭН-цэнтр сумесна з Пасольствам Рэспублікі Польшча пры інфармацыйнай падтрымцы ГМКГА «Талака» ладзіць трэцюю з серыі «Сустрэч з Гедройцам». Да чытачоў прыедуць Павел Касцюкевіч і Ігар Бабкоў, а вядоўцам імпрэзы будзе Андрэй Хадановіч.
Ігар Бабкоў — паэт, філосаф, перакладчык, лаўрэат прэміі Ежы Гедройца 2014 года за раман «Хвілінка» – упершыню прэзентуе ў родным горадзе сваю прозу.
Павел Касцюкевіч — празаік, перакладчык ізраільскай і амерыканскай літаратуры, першы лаўрэат прэміі Ежы Гедройца прадставіць чытачам кнігі апавяданняў «Душпастырскія спатканні для дачнікаў» і «Зборная РБ па негалоўных відах спорту». У межах сустрэчы адбудуцца аўтарскія чытанні.
Арганізатары Прэміі Ежы Гедройца лічаць важным прадставіць прызёраў і пераможцаў прэміі не толькі ў Мінску, але ў рэгіёнах, а таксама за межамі краіны.
Пачатак імпрэзы а 18.00.
Цяпер чытаюць
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку2424
Каментары