Галоўны абвінавачваны па справе аб забойстве Барыса Нямцова Заур Дадаеў, якога следства лічыць выканаўцам злачынства, у судзе адмовіўся ад прызнання віны, заявіўшы, што зрабіў гэта пад ціскам.
«Даваў паказанні пад ціскам. Пагражалі мне і майму сябру-калегу - такім чынам і супрацоўнічаў», — сказаў Дадаеў падчас відэаканферэнцыі.
Гэта заява прагучала ў ходзе пасяджэння ў Масгарсудзе, на якім разглядаецца законнасць арышту пяці абвінавачаных. Суд прызнаў арышт Дадаева, а таксама яшчэ аднаго абвінавачанага — Анзора Губашава, законным, а пытанне аб меры стрымання трох яго меркаваных саўдзельнікаў адправіў на перагляд.
Пра тое, што Дадаеў скардзіўся на катаванні і абгаварыў сябе, раней заяўлялі праваабаронцы, якія наведалі яго ў СІЗА. Прадстаўнікі Следчага камітэта Расіі казалі, што Дадаеў прызнаў віну і супрацоўнічае са следствам.
Прадстаўнік СКР раней на пасяджэнні Масгарсуда ў сераду заявіў, што Дадаеў даў «прызнанні» супраць сябе і іншых затрыманых.
Пасля заявы Дадаева ў судзе следства заявіла, што існуюць і іншыя доказы яго віны.
Біцэпсы Івана Краўцова здзівілі сацсеткі. Ён расказаў, як трымае сябе ў спартыўнай форме10
Біцэпсы Івана Краўцова здзівілі сацсеткі. Ён расказаў, як трымае сябе ў спартыўнай форме
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары