10 лютага ў 10.30 перад будынкам Арганізацыі Аб’яднаных Нацый у Нью-Йорку ( паміж E 42 i E 43 Street на 1 Avenue) 760 United Nations Plaza.
10-га лютага Беларускі Моладзевы Рух Амэрыкі праводзіць дэманстрацыю ў абарону маладых актывістаў Беларусі, якiя рэпрэсаваны сучасным таталітарным рэжымам.
Актывіста «Маладога Фронту» Артура Фінькевіча суд Кастрычніцкага раёна Магілёва прысудзіў да 1,5 гадоў калоніі агульнага рэжыму. Палітвязня прызналі вінаватым у парушэнні рэжыму адбывання пакарання ў відзе абмежавання свабоды.
Два гады таму Артур Фінькевіч быў арыштаваны і прысуджаны да абмежавання свабоды за графіці «Дастаў!» і «Мы хочам новага!». Падчас адбывання пакарання на маладога чалавека некалькі разоў накладалі спагнанні за парушэнне рэжыму, з якімі ён быў не згодны, але абскардзіць гэтыя прысуды яму не атрымалася. Калі б не крымінальная справа, Артур выйшаў бы ўжо на свабоду.
8-га лютага ў Артура будзе дзень народзінаў! У свае 23 ён троху пасівеў і мае хворае сэрца.
Пад пагрозай таксама апынуліся маладафронтаўцы Андрусь Цянюта й Кася Салаўёва, актывіст незарэгістраванай арганізацыі “Ініцыятыва” Андрэй Кім і чалец партыі “Грамада” Зьміцер Лісіенак.
Менавіта зараз, улічваючы бязвыхадны стан Беларусі на міжнароднай пляцоўцы, ёсьць ясная магчымасьць вызваліць і пазбавіць нашых сяброў ад новых крымінальных спраў, што пацьвярджаецца нечаканымі вызваленьнямі палітвязьняў Зьмітра Дашкевіча, Мікалая Аўтуховіча й Юрыя Лявонава. Галоўнае – актыўна й ўмела выкарыстаць гэты шанец.
Дэманстрацыя пачынаецца ў 10.30 перад будынкам Арганізацыі Аб’яднаных Нацый у Нью-Йорку. ( паміж E 42 i E 43 Street на 1 Avenue)
760 United Nations Plaza
New York City, NY 10017, USA
Біцэпсы Івана Краўцова здзівілі сацсеткі. Ён расказаў, як трымае сябе ў спартыўнай форме32
Біцэпсы Івана Краўцова здзівілі сацсеткі. Ён расказаў, як трымае сябе ў спартыўнай форме
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары