На сустрэчы Аляксандра Мілінкевіча зь менчукамі пабывалі карэспандэнты НН Юлія Дарашкевіч і Алесь Бондар. Фота- і відэарэпартажы.
Нягледзячы на сьнег і лёгкі мароз, каля паўсотні чалавек сабраліся на сустрэчу з Аляксандрам Мілінкевічам у Менску.
Гутарку давялося праводзіць літаральна на прыступках - адміністрацыя райвыканкаму Першамайскага раёну сталіцы так і не дала дазволу на сустрэчу ў сваім будынку. Гэта, аднак, не перашкаджала яе супрацоўнікам жыва цікавіцца тым, што адбывалася на ганку.
Людзі ахвотна фатаграфаваліся з Аляксандрам Мілінкевічам, дарылі яму кветкі, распавядалі пра свае праблемы, дзяліліся надзеямі.
Літаральна за дзень да гэтага, у панядзелак, у Магілёве адбыўся устаноўчы сход грамадзкага аб’яднаньня «Рух «За Свабоду», старшынёй якога быў зноўку абраны Аляксандар Мілінкевіч. Цікава, што ўлады не чынілі значных перашкодаў правядзеньню зьезду ў Магілёве. У Менску міліцыя таксама даволі спакойна ставілася да гутаркі выбарцаў з Аляксандрам Мілінкевічам, нават тады, калі сустрэча ператварылася ў невялічкае несанкцыяванае шэсьце да праспэкту Незалежнасьці.
Каментары