На відэа не паказанае развіццё адной канкрэтнай пчалы, але ўсе стадыі развіцця ад яйка да дарослай формы.
Фатограф Ананд Варма ўклаў два месяцы жыцця пчалы ў хвіліннае відэа, распавядае National Geographic.
Шэсць месяцаў фатограф збіраў матэрыялы пра развіццё рабочай пчалы ад яйка да дарослай асобіны. Унікальныя кадры дазволіў атрымаць мадыфікаваны вулей, у якім камеру можна было прыставіць на мінімальную адлегласць да сотаў.
Рабочая пчала жыве максімум 30-35 дзён, але на час зімоўкі яе біялагічны ўзрост можа «застыць» на 9 месяцаў.
Першыя некалькі дзён дарослыя пчолы адкормліваюць яйка, пакуль яно не вылупіцца ў лічынку. Лічынка працягвае харчавацца і расці да дзявятага дня, пакуль не зойме ўсю ячэйку. Пчолы запячатваюць ячэйку, каб у ёй лічынка зрабілася коканам. Праз 12 дзён з кокану з’явіцца дарослая пчала. Маладая пчала спачатку займаецца чысткай сотаў, на трэці-пяты дзень па «паўналецці» пачынае вылеты з вулея па мёд.
Чытайце таксама: Нешта зноў знішчыла палову пчаліных калоній ЗША
Цяпер чытаюць
Золкін пра Бабарыку і Калеснікаву: Гэта белагвардзейская апазіцыя, як і Яшын, і Кара-Мурза13
Каментары