Мільярдэр і вынаходнік Элан Маск стварыў школу для сваіх дзяцей
Пакуль у ёй навучаюцца толькі 14 чалавек, у тым ліку пяцёра дзяцей Маска.
Ad Astra («да зор» у перакладзе з латыні) — так завецца школа, якую стварыў Элан Маск, заснавальнік і кіраўнік Tesla і SpaceX. Пра яе ён распавёў кітайскаму тэлеканалу BTV.
У школе Маска няма падзялення на класы. Усе дзеці вучацца адначасова, што Маск параўнаў з лініяй зборкі на заводзе.
Пра школу з 24:55:
Навучанне праходзіць з улікам цікаўнасці вучняў да прадметаў. Акрамя таго, у ёй навучаюцца не па прадметах, а па вырашэнні задач (нешта падобнае можна назіраць у Фінляндыі). Каб растлумачыць працу рухавіка, дзецям не будуць спачатку распавядаць пра гаечныя ключы ці адвёрткі: перад дзецьмі ставіцца пытанне, як разабраць рухавік, а ў працэсе тлумачыцца, як выкарыстлўваць інструмент, распавядае Маск.
«Звычайныя школы не робяць тых рэчаў, якія, я лічу, яны мусяць рабіць, — тлумачыць Маск. — Дзецям напраўду падабаецца хадзіць у гэтую школу. Гэта добры знак. Калі я хадзіў у школу, гэта было катаваннем. А яны лічаць, што ў іх задоўгія вакацыі, яны хочуць назад у школу».
Пакуль школа працуе толькі год, у ёй акрамя пяцёрых дзяцей Маска навучаюцца яшчэ дзевяць чалавек. Увосень Маск плануе павялічыць колькасць вучняў да дваццаці. Ніякой рэкламы школы не існуе — наўрад ці ў яе можна так проста прыстроіць сваіх дзяцей.
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі13
Каментары