Справы ў сферы інфармацыйных тэхналогій цяпер можна вырашыць у адмысловым недзяржаўным судзе.
Трацейскі суд у сферы інфармацыйных тэхналогій і інтэлектуальнай уласнасці Асацыяцыі кампаній інфармацыйных тэхналогій прыняты на ўлік у Міністэрстве юстыцыі і ўжо гатовы разглядаць справы, паведамляе TUT.BY.
Суд будзе вырашаць спрэчкі ў сферах IT-бізнесу, аўтарскага права, службовай і камерцыйнай тайны. Рашэнні будуць мець абавязковы характар і бараніцца дзяржавай.
Трацейскі суд ёсць недзяржаўным судовым органам. Старшыня суду — доктар юрыдычных навук, прафесар Дзмітрый Дземічаў, загадчык кафедры тэорыі і гісторыі права ў БДЭУ. Яго намеснік — былы генпракурор Рыгор Васілевіч.
Па словах стваральнікаў суду, асаблівая ўвага надавалася падбору суддзяў (са спісам можна азнаёміцца на сайце АКІТ), а задача суду — эфектыўнасць і аператыўнасць разгляду спраў.
Цяпер чытаюць
«На 15 хвілін выключылі святло — божа мой, з Украінай параўналі». Лукашэнка патлумачыў, колькі эканоміць на вулічным асвятленні21
Каментары