Фотамадэльку Playboy, былую пераможцу конкурсу «Міс Фотагенічнасць Босніі і Герцагавіны» Слабаданку Тошыч затрымалі ў яе кватэры па падазрэнні ў сувязях з арганізаванай злачыннасцю і некалькіх забойствах, паведамляе Jutarnji.
Слабаданку Тошыч па мянушцы Боба падазраюць у пяці забойствах. Адной з яе ахвяр стаў былы каханак, які з'яўляўся крымінальным аўтарытэтам.
Дзяўчына была затрыманая ў ходзе спецаперацыі пад кодавай назвай «Лялька». Паліцыянты лічаць, што Слабаданка Тошыч уваходзіла ў злачынную банду.
Усяго ў злачыннай групоўцы налічвалася 32 чалавекі. Злачынцы здзейснілі мінімум шэсць нападаў на інкасатарскія машыны і аддзяленні банкаў, выкраўшы каля 4,5 млн еўра. Групоўка дзейнічала да восені 2012 года, пасля чаго распалася з-за ўнутраных разладаў вакол дзяльбы здабычы і размеркавання роляў. Таксама мяркуецца, што яблыкам разладу магла стаць Слабаданка Тошыч.
Тошыч нарадзілася ў горадзе Хан-Песак ў Босніі. У 2014 годзе, замятаючы сляды злачынстваў, яна прыехала ў Харватыю, дзе здымалася для глянцавых часопісаў, у тым ліку для Playboy, а таксама ўдзельнічала ў рэаліці-шоў (сербская версія «Застацца ў жывых»).
Цяпер чытаюць
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2727
Каментары