У міліцыю звярнуліся два чалавекі, якія сталі ахвярамі інтэрнэт-махлярства. Разам яны пералічылі варажбітцы каля 80 тысяч рублёў.
46‑гадовая жыхарка Мінска паведаміла, што ў жніўні мінулага года, перажываючы цяжкасці ў сямейным жыцці, звярнулася да варажбіткі — 37‑гадовай жыхаркі Стоўбцаў. Пасля раскладвання картаў Таро тая заявіла пра «сур’ёзныя праблемы» і прапанавала зняць псоту з дапамогай платных абрадаў. Жанчына пагадзілася і пералічыла на названы рахунак 37 тысяч рублёў, у тым ліку і крэдытныя грошы. Падман працягваўся да снежня 2025 года.
Падобным чынам у той жа перыяд пацярпеў і 53‑гадовы жыхар Стаўбцоўскага раёна, які знайшоў аб’яву пра «зняцце псоты». Варажбітка папрасіла яго даслаць фота твару, далоні і запясця. Пад яе ўплывам мужчына ў агульным ліку пералічыў за «паслугі» 42 тысячы рублёў.
Супрацоўнікі падраздзялення па барацьбе з кіберзлачыннасцю Мінскай вобласці ўстанавілі асобу падазраванай і затрымалі яе. Атрыманыя грошы жанчына патраціла на асабістыя патрэбы і прайграла ў анлайн-казіно.
Следчыя распачалі супраць жанчыны крымінальную справу за махлярства ў асабліва буйным памеры. Зламысніцы пагражае да 12 гадоў пазбаўлення волі.
Цяпер чытаюць
Вялікая гутарка з Лесяй Руднік пра сэксізм, мужа-рэслера, заробак доктаркі навук у Швецыі, апазіцыю і памылку Еўрасаюза25
Каментары
У цыганки со старой колодой хоть один да найдется клиент
В ожиданьи чудес невозможных постучится хоть кто-нубудь к ней
И раскинет она и разложит благородных своих королей