Улада

МЗС: Беларусь гатовая зрабіць свой унёсак у дзейнасць ШАС

Беларусь, якая атрымала статус назіральніка ў Шанхайскай арганізацыі супрацоўніцтва (ШАС), гатова зрабіць свой унёсак у дзейнасць арганізацыі, гаворыцца ў заяве беларускага знешнепалітычнага ведамства, распаўсюджанай 10 ліпеня ў сувязі з павышэннем статуса краіны ў ШАС на саміце ва Уфе. 

«Наша краіна гатова зрабіць свой унёсак у дзейнасць арганізацыі, працаваць над тым, каб супрацоўніцтва ў межах ШАС станавілася больш усебаковым і прадуктыўным», — гаворыцца ў заяве. 

У МЗС падкрэслілі, што беларускі бок «мае цесныя сувязі з краінамі ШАС» і на працягу пяці гадоў «актыўна ўдзельнічала ў шэрагу мерапрыемстваў арганізацыі ў статусе партнёра па дыялогу». 

«Пытанні як у сферы бяспекі, так і ў галіне эканомікі, гуманітарнага супрацоўніцтва, што разглядаюцца ў межах ШАС, актуальныя не толькі для азіяцкага рэгіёну, але і ў шырэйшым геаграфічным кантэксце. Беларусь — адзіная поўнасцю еўрапейская дзяржава ў арганізацыі, якая мае адкрытую мяжу з Расійскай Федэрацыяй, таму схільная да тым жа пагроз і ўплываў, што і астатняя прастора ШАС», — заявіў МЗС. 

Акрамя таго, заяўляе МЗС, «Беларусь здольная і гатовая арганічна дапоўніць эканамічнае супрацоўніцтва ў межах ШАС, выкарыстоўваючы свой транзітны, прамысловы і навуковы патэнцыял, актыўна ўдзельнічаць у каардынацыі пытанняў, звязаных з бяспекай у рэгіёне». 

МЗС выказаў падзяку ўсім дзяржавам — членам арганізацыі «за аказаны давер і падтрымку ў пытанні павышэння статусу Беларусі да назіральніка». 

ШАС — пастаянна дзейнае рэгіянальнае міжнароднае аб'яднанне, аб стварэнні якога было абвешчана 15 чэрвеня 2001 года ў Шанхаі. Прыярытэтныя кірункі дзейнасці ШАС — сумеснае процідзеянне тэрарызму, экстрэмізму, развіццё супрацоўніцтва ў энергетычнай, нафтагазавай, транспартнай, тэлекамунікацыйнай і іншых галінах. Агульная колькасць насельніцтва краін ШАС — прыкладна 1,6 млрд. чалавек, сукупны валавы ўнутраны прадукт — больш за 11 трлн. долараў ЗША. 

Членамі ШАС з'яўляюцца Расія, Казахстан, Кыргызстан, Кітай, Таджыкістан і Узбекістан. Па выніках саміту 10 ліпеня ва Уфе пачалася працэдура прыёму ў ШАС Індыі і Пакістана. Такім чынам, у арганізацыі зараз чатыры назіральнікі: Афганістан, Іран, Манголія і Беларусь. Статус партнёраў па дыялогу маюць Турцыя і Шры-Ланка, а з сённяшняга дня таксама — Азербайджан, Арменія, Камбоджа і Непал.

Каментары

Цяпер чытаюць

Фатограф-агент з двума пашпартамі здымае беларусаў і іх мерапрыемствы ў Варшаве5

Фатограф-агент з двума пашпартамі здымае беларусаў і іх мерапрыемствы ў Варшаве

Усе навіны →
Усе навіны

Украіна паведаміла пра гібель у Расіі больш за 200 ваеннапалонных2

У справе «Трайпла» з'явіўся новы паварот

Як беларуская кампанія пастаўляе ў Расію брэндавае адзенне ў абыход санкцый і ў шкоду дзяржбюджэту4

«Шчаслівы з маімі новымі сябрамі». На шклозаводзе «Нёман» у Бярозаўцы ўжо некалькі гадоў працуе егіпцянін12

Гісторыя з ласём, які залез у хату ў Бабруйску і ляжаў на ложку, скончылася трагічна7

Расіяніна затрымалі ў мінскім аэрапорце за спробу вывезці скрадзеную пяць гадоў таму дачку

Мінчанка паставіла дома камеры, каб назіраць за старэнькай маці, і раскрыла злачынства2

Як беларусам за мяжой скасаваць шлюб, не вяртаючыся на радзіму? Спыталі ў юрысткі2

Машына ўехала ў людзей падчас параду «Ліверпуля». Пацярпелі 47 чалавек, у тым ліку дзеці8

больш чытаных навін
больш лайканых навін

Фатограф-агент з двума пашпартамі здымае беларусаў і іх мерапрыемствы ў Варшаве5

Фатограф-агент з двума пашпартамі здымае беларусаў і іх мерапрыемствы ў Варшаве

Галоўнае
Усе навіны →

Заўвага:

 

 

 

 

Закрыць Паведаміць