MZS: Biełaruś hatovaja zrabić svoj uniosak u dziejnaść ŠAS

Biełaruś, jakaja atrymała status naziralnika ŭ Šanchajskaj arhanizacyi supracoŭnictva (ŠAS), hatova zrabić svoj uniosak u dziejnaść arhanizacyi, havorycca ŭ zajavie biełaruskaha źniešniepalityčnaha viedamstva, raspaŭsiudžanaj 10 lipienia ŭ suviazi z pavyšeńniem statusa krainy ŭ ŠAS na samicie va Ufie. 

«Naša kraina hatova zrabić svoj uniosak u dziejnaść arhanizacyi, pracavać nad tym, kab supracoŭnictva ŭ miežach ŠAS stanaviłasia bolš usiebakovym i praduktyŭnym», — havorycca ŭ zajavie. 

U MZS padkreślili, što biełaruski bok «maje ciesnyja suviazi z krainami ŠAS» i na praciahu piaci hadoŭ «aktyŭna ŭdzielničała ŭ šerahu mierapryjemstvaŭ arhanizacyi ŭ statusie partniora pa dyjałohu». 

«Pytańni jak u śfiery biaśpieki, tak i ŭ halinie ekanomiki, humanitarnaha supracoŭnictva, što razhladajucca ŭ miežach ŠAS, aktualnyja nie tolki dla azijackaha rehijonu, ale i ŭ šyrejšym hieahrafičnym kantekście. Biełaruś — adzinaja poŭnaściu jeŭrapiejskaja dziaržava ŭ arhanizacyi, jakaja maje adkrytuju miažu z Rasijskaj Fiederacyjaj, tamu schilnaja da tym ža pahroz i ŭpłyvaŭ, što i astatniaja prastora ŠAS», — zajaviŭ MZS. 

Akramia taho, zajaŭlaje MZS, «Biełaruś zdolnaja i hatovaja arhanična dapoŭnić ekanamičnaje supracoŭnictva ŭ miežach ŠAS, vykarystoŭvajučy svoj tranzitny, pramysłovy i navukovy patencyjał, aktyŭna ŭdzielničać u kaardynacyi pytańniaŭ, źviazanych ź biaśpiekaj u rehijonie». 

MZS vykazaŭ padziaku ŭsim dziaržavam — členam arhanizacyi «za akazany davier i padtrymku ŭ pytańni pavyšeńnia statusu Biełarusi da naziralnika». 

ŠAS — pastajanna dziejnaje rehijanalnaje mižnarodnaje abjadnańnie, ab stvareńni jakoha było abvieščana 15 červienia 2001 hoda ŭ Šanchai. Pryjarytetnyja kirunki dziejnaści ŠAS — sumiesnaje procidziejańnie teraryzmu, ekstremizmu, raźvićcio supracoŭnictva ŭ enierhietyčnaj, naftahazavaj, transpartnaj, telekamunikacyjnaj i inšych halinach. Ahulnaja kolkaść nasielnictva krain ŠAS — prykładna 1,6 młrd. čałaviek, sukupny vałavy ŭnutrany pradukt — bolš za 11 trłn. dołaraŭ ZŠA. 

Členami ŠAS źjaŭlajucca Rasija, Kazachstan, Kyrhyzstan, Kitaj, Tadžykistan i Uźbiekistan. Pa vynikach samitu 10 lipienia va Ufie pačałasia pracedura pryjomu ŭ ŠAS Indyi i Pakistana. Takim čynam, u arhanizacyi zaraz čatyry naziralniki: Afhanistan, Iran, Manholija i Biełaruś. Status partnioraŭ pa dyjałohu majuć Turcyja i Šry-Łanka, a ź siońniašniaha dnia taksama — Azierbajdžan, Armienija, Kambodža i Niepał.

• 0
• 0
• 0
• 0
• 0
• 0
• 0
• 0