Заканадаўчы сход Забайкальскага края падрыхтаваў законапраект, які прадугледжвае пераход рэгіёну ў іншы часавы пояс.
У дакуменце адзначаецца, што цяперашняя часавая зона ў Забайкаллі не адпавядае натуральным біярытмам чалавека, у адпаведнасці з якімі ён павінен не спаць у светлы час сутак, а спаць — у цёмны.
У тлумачальнай запісцы да законапраекта адзначаецца, што цяпер світанак ў Забайкаллі надыходзіць ужо ў тры гадзіны ночы, у той час як цямнее ўжо ў восем вечара. Гэта негатыўна ўплывае на здароўе грамадзян, а таксама змушае іх траціць больш электрычнасці.
Дакумент ужо ўнесены ў Дзярждуму, аднак разгледзяць яго цяпер толькі ў восеньскую сесію (цяпер у дэпутатаў канікулы).
Жыхары Забайкалля ўжо не першы год выступаюць за выхад з часавай зоны, у якой час на пяць гадзін апярэджвае маскоўскі. На думку жыхароў рэгіёну, ідэальным быў бы пераход у зону, дзе розніца ў часе з Масквой складае шэсць гадзін.
Цяпер чытаюць
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку2424
Каментары