У Цэнтрвыбаркам паступілі дакументы аб рэгістрацыі ініцыятыўных груп грамадзян па зборы подпісаў для вылучэння Жанны Раманоўскай і Ірыны Першынай кандыдатамі ў прэзідэнты Беларусі, паведамляе афіцыйны сайт ЦВК.
«16 ліпеня ў 17.20 прадстаўленыя дакументы аб рэгістрацыі ініцыятыўнай групы грамадзян па зборы подпісаў выбаршчыкаў па вылучэнні Раманоўскай Жанны Мікалаеўны кандыдатам у прэзідэнты. У 17.50 прадстаўленыя дакументы аб рэгістрацыі ініцыятыўнай групы па вылучэнні Першынай Ірыны Міхайлаўны», — інфармуе ЦВК.
Хто яны, гэтыя кандыдаткі?
* * *
Настаўніца Жанна Раманоўская (Алексяюк) жыве ў Брэсце.
Уцямнай праграмы яна не прэзентавала, на Ю'Тубе «кандыдатка ў кандыдаты» прамовіла агульныя словы.
У сваім інтэрв'ю карэспандэнту «НН» яна не здолела ўцямна патлумачыць нават кім яна працуе.
Першае інтэрв'ю кандыдаткі ў прэзідэнты: «Кім я працую? Сёння складаны дзень, я адкажу заўтра»
Кіраўніком ініцыятыўнай групы Раманоўскай з'яўляецца Яўген Напорка.
* * *
Іншай кандыдатцы, Ірыне Першынай 35 гадоў. Яна спецыяліст па рэкламе ў кампаніі Imagemaker, паведамляюць naviny.by. Замужам, гадуе сына.
Першына балатуецца, каб прапіярыць сваю кампанію Imagemaker. Жанчына хоча «атрымаць незабыўны досвед палітычнага піяру».
Кіраўніца яе ініцыятыўнай групы — Марыя Храмцова.
* * *
Такім чынам (разам з Таццянай Караткевіч), у перадвыбарчую гонку ўключыліся ўжо тры жанчыны.
Усяго ж дакументы на рэгістрацыю ў ЦВК падалі дзевяць прэтэндэнтаў.
17 ліпеня — апошні дзень рэгістрацыі патэнцыйных кандыдатаў.
Каментары