Спынена крымінальная справа хірурга Дубровенскай бальніцы, што займаўся хлопцам, якому ампутавалі руку
Крымінальная справе аб непрафесіяналізме хірурга Дубровенскай ЦРБ спынена, паведаміла начальнік аддзела пракуратуры Віцебскай вобласці Аксана Балеевай.
На сённяшнім папярэднім паседжанні Віцебскага абласнога суда абвінавачаны пагадзіўся на спыненне крымінальнай справы ў сувязі з амністыяй.
«Справа спынена, абвінавачаны вызвалены ад крымінальнай адказнасці. Аднак у яго дзеяннях прызнана наяўнасьць складу злачынства па ч.1 ст.162 КК (неналежныя выкананне прафесійных абавязкаў медыцынскім работнікам, што пацягнула прычыненне пацыенту па неасцярожнасці цяжкага цялеснага пашкоджання).
У сувязі з чым пацярпелы бок мае права патрабаваць матэрыяльнай кампенсацыі за непрафесіяналізм, а таксама кампенсацыі маральнай шкоды», — патлумачыла пракурор.
Калі рашэнне суда не будзе абскарджана, то праз 10 дзён яно ўступіць у законную сілу.
Як паведамлялася, у жніўні 2014 года ў выніку лячэння пералому рукі ва ўстановах аховы здароўя Дубровенскага раёна і Віцебскай вобласці руку падлетку ампутавалі.
Устаноўлена, што 25 ліпеня 2014 года ў траўматалагічны пункт Аршанскай цэнтральнай паліклінікі з прыкметамі пералому левай рукі быў дастаўлены 11-гадовы жыхар Дубровенскага раёна, дзе пасля правядзення неабходных даследаванняў яму быў накладзены гіпс. Пасля аказання першай медыцынскай дапамогі з дыягназам «закрыты пералом левай прамянёвай і локцевай кісці ў тыповым месцы са зрушэннем адломкаў» хлопчык быў адпушчаны дадому на амбулаторнае лячэнне. Пасля пагаршэння самаадчування 28 ліпеня хлопчык са сваякамі звярнуўся на прыём да хірурга — загадчыка хірургічным аддзяленнем Дубровенскай цэнтральнай раённай бальніцы за аказаннем медыцынскай дапамогі. Аднак хірург абследаванне выканаў не ў поўным аб'ёме, не падумаў аб магчымых ўскладненнях, не назначыў неабходныя аналізы, не вырабіў тэрмаметрыю цела, а пры ўзмацненні ацёку не зняў гіпсавую павязку і не прыняў мер да шпіталізацыі, што прывяло да амярцвення (гангрэны) левай рукі пацыента і неабходнасці яе ампутацыі.
Следства прыйшло да высновы, што медыцынскі работнік неналежным чынам выканаў свае прафесійныя абавязкі з прычыны нядбайнага і нядобрасумленнага стаўлення да іх, што прывяло да ампутацыі левай рукі падлетка.
Чытайце таксама:
Ліст хірурга з Дуброўна, што займаўся хлопцам, якому ампутавалі руку: Я не вінаваты, гэта ўнікальны выпадак
Цяпер чытаюць
Былога супрацоўніка контрразведкі КДБ арыштавалі за здраду дзяржаве9
Каментары