Кіраўнік Растурызму Алег Сафонаў заявіў, што неабходна ўвесці абавязковую дактыласкапію грамадзян ЕС, якія ўязджаюць у Расію, у адказ на аналагічны «відавочна несяброўскі крок» з боку Еўрасаюза.
Такая мера «імгненна прывядзе да падзення ўязнога турыстычнага патоку» ў Расію, адзначыў Сафонаў на пасяджэнні дзяржсавета па пытаннях развіцця турызму ў Ялце з удзелам Уладзіміра Пуціна.
Паводле Сафонава, па Расіі, як правіла, падарожнічаюць замежныя грамадзяне немаладога веку, якім з-за абмежаванай колькасці расійскіх візавых цэнтраў за мяжой будзе складаней атрымаць візу.
Разам з тым, Уладзімір Пуцін прапанаваў увесці бязвізавы рэжым для турыстычных груп з краін-членаў БРІКС (акрамя Расіі, гэта Бразілія, Індыя, Кітай, Паўднёва-Афрыканская Рэспубліка).
***
З 14 верасня пачынаюць дзейнічаць новыя правілы атрымання Шэнгенскіх віз грамадзянамі Расіі, якія ўключаюць сканаванне адбіткаў дзесяці пальцаў.
Каментары