Саудаўская Аравія запатрабавала ад Расіі спыніць ваенную аперацыю ў Сірыі, паведамляе ў чацвер, 1 кастрычніка, Reuters са спасылкай на тэлеканал «Аль-Арабія».

Пастаянны прадстаўнік Саудаўскай Аравіі ў ААН Абдала аль-Муалем запатрабаваў ад Расіі спыніць ваенную аперацыю ў Сірыі. Паводле яго слоў, расійскія авіяўдары былі нанесеныя па тэрыторыі, дзе не было баевікоў «Ісламскай дзяржавы».
Абдала аль-Муалем сказаў, што Саудаўская Аравія выказвае «глыбокую занепакоенасць» у сувязі з дзеяннямі Расіі ў Хомсе і Хаме. Па дадзеных Саудаўскай Аравіі, авіяўдары Расіі прывялі да ахвяраў сярод мірнага насельніцтва.
Дыпламат дадаў, што краіны, якія нядаўна далучыліся да барацьбы супраць «Ісламскай дзяржавы», не могуць змагацца з тэрарыстамі, самастойна падтрымліваючы пры гэтым «тэрарыстычны сірыйскі рэжым».
Цяпер чытаюць
«Месяцамі ў кабіне, на сябе забіў. І стаў пытаць: можа, жонка таксама будзе працаваць?». Чаму эміграцыя разбівае сем’і і што рабіць, каб усё паправіць
Каментары