Прэзідэнт Расіі Уладзімір Пуцін назваў інфармацыю пра ахвяры сярод мірнага насельніцтва ў выніку ўдараў расійскай авіяцыі па аб'ектах у Сірыі «інфармацыйнай атакай» і заявіў, што Расія гатовая да падобных нападаў і ў будучыні.
Па словах Пуціна, інфармацыя аб магчымых ахвярах сярод грамадзянскага насельніцтва ў Сірыі з'явілася яшчэ да таго, як расійскія самалёты падняліся ў неба.
«Іншыя краіны ўжо больш за год наносяць удары па сірыйскай тэрыторыі, больш за год. Без рэзалюцыі Савета Бяспекі ААН і без адпаведнага запыту сірыйскіх афіцыйных уладаў. У нас такі запыт ёсць, і мы маем намер змагацца менавіта з тэрарыстычнымі арганізацыямі», — падкрэсліў Пуцін.
Паводле інфармацыі сірыйскага дзяржаўнага агенцтва САНА, расейская авіяцыя бамбіла ў сераду «логава» «Ісламскай дзяржавы» у Растане, Тэль-Бісе, Зафарані, Тулуль Аль-Хумры, Айдыне, Дэйр-Фуле і Саламіі.
Між тым актывісты сірыйскай апазіцыі з арганізацыі «Мясцовыя каардынацыйныя камітэты» (МКК) заявілі, што ў сераду ў выніку авіяўдараў расейскіх вайскоўцаў у пяці гарадах на поўнач ад Хомса загінулі дзясяткі мірных жыхароў, уключаючы дзяцей.
Актывісты падкрэсліваюць, што ні адзін з раёнаў, па якіх наносіліся ўдары, не кантралюецца «Ісламскай дзяржавай».
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3737
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі37
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4545
Каментары