У некаторых аўтобусах Мінска і абласных цэнтраў да канца года будзе бясплатны Wi-Fi
У некаторых аўтобусах гарадскіх маршрутаў Мінска і абласных цэнтраў пачалі даваць бясплатны Wi-Fi-доступ у інтэрнэт. Гэта зроблена ў межах праекта Snickers Wi-Fi, тэхнічным партнёрам якога выступіў мабільны аператар life:).
Як паведаміла прэс-служба аператара, праект стартаваў у Гродне, дзе з'явіліся першыя два такія аўтобусы. У Мінску сёння з бясплатным Wi-Fi курсуюць 10 маршрутных таксі, а ў кожным з абласных цэнтраў — па два пасажырскія аўтобусы.
Пазнаць транспарт з Wi-Fi лёгка — указанне аб тым, што ў ім можна карыстацца бясплатным бесправадным інтэрнэтам, ёсць на кузаве. У салоне размешчаная інфармацыя аб праходжанні аўтарызацыі для карыстання інтэрнэт-паслугамі. Працягласць адной сесіі — 60 хвілін. Калі трэба і далей карыстацца інтэрнэтам, то аўтарызацыю трэба прайсці яшчэ раз.
Праект будзе рэалізоўвацца да канца 2015 года. Найбліжэйшым часам пункты Wi-Fi з бясплатным інтэрнэт-доступам з'явяцца яшчэ ў некалькіх аўтобусах абласных цэнтраў. Такім чынам, гэтым праектам у цэлым будуць ахоплены тры дзясяткі маршрутаў, удакладнілі ў life:).
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі13
Каментары