Кіраўнік REGNUM-а Мадэст Колераў: Беларусь павернецца да Еўропы, Масква нічога не зможа з гэтым зрабіць
Цікавую будучыню Беларусі абмаляваў расійскі гісторык, кіраўнік праекту Regnum Мадэст Колераў.
На сайце imhoclub.by ён выклаў дзевяць пунктаў як будуць развівацца падзеі ў нашай краіне ў сярэднетэрміновай перспектыве. Прыводзім іх цалкам:
«1.Працягнецца хуткае збліжэнне кіруючай наменклатуры з Захадам і яго кліентамі ўнутры краіны.
2.Нацыяналізацыя наменклатуры зробіць менавіта яе галоўным носьбітам нацыяналістычнай рыторыкі.
3.Адносіны з Расіяй пагоршацца да такой ступені, што Мінск стане ініцыятарам фактычнага замарожвання свайго ўдзелу ў Саюзнай дзяржаве, АДКБ і ЕАЭС.
4.Транзіт з цэнтральнай Расіі ў Калінінград па тэрыторыі Беларусі і Літвы стане практычна немагчымым.
5.Транзіт з Расіі ў Польшчу і далей па тэрыторыі Беларусі будзе пераведзены ў рэжым ручнога кіравання.
6.Палітычная намэнклятура прывядзе да ўлады ухвалены Захадам эканамічны ўрад лібертарыянцаў, які пачне «шокавыя» рэформы, галоўным прызам у якіх будзе свабодны доступ грамадзян Беларусі на рынак працы ў ЕС.
7.Ідэалогіяй ўлады стане «нацыянальнае адраджэнне», якое хутка пяройдзе ў этнічны нацыяналізм і русафобію пад выглядам барацьбы супраць «рускага імперыялізму».
8.Масква будзе моўчкі назіраць за гэтымі пераменамі, толькі зрэдку выступаючы са зваротамі Дзяржаўнай думы да Мінска ў абарону «вялікай дружбы»
9.Заходняя мяжа Смаленскай вобласці зноў стане паўнавартаснай мяжой Расіі».
Regnum.ru – адзін з чарнасоценскіх расійскіх сайтаў, які неаднаразова ставіў пытанне аб уваходжанні Беларусі ў склад Расіі. Вакол «Рэгнума» групуюцца таксама дзеячы рускага руху ў Беларусі, якія адмаўляюць беларускую дзяржаўнасць, як віцебскі пісьменнік Андрэй Герашчанка.
Што тычыцца самога Мадэста Колерава, то ён працаваў начальнікам упраўлення прэзідэнта Расіі па міжрэлігійных і культурных сувязях. Колераў абвешчаны персонай нон-грата ў Літве, Латвіі, Эстоніі, Грузіі.
Цяпер чытаюць
Феномен медыцынскага ўніверсітэта: кабала з размеркаваннем, невялікія заробкі, але ад абітурыентаў адбою няма3
Каментары