Канцлер Нямеччыны Ангела Меркель звярнулася да жыхароў Францыі. Мы публікуем тэкст яе выступу.
Спадарства, мы перажылі страшную ноч, якую даўно не перажывалі ў Еўропе. Людзі ў Парыжы перажылі кашмар гвалту, тэрору і страху. Я хачу звярнуцца да французаў.
Мы, вашы нямецкія сябры, спачуваем вам, мы плачам разам з вамі. І мы будзем змагацца разам з вамі супраць усіх тых, хто здзейсніў гэту страшную рэч. Тое, што здарылася — напад на свабоду, і гэта тычыцца не толькі Парыжа.
Гэта закранула нас усіх. Мы атрымалі выклік. Нам трэба адказаць на гэта ўсім разам.
У першую чаргу гэта павінны зрабіць службы бяспекі. Нямецкі ўрад працуе з французскімі калегамі. Мы гатовыя ва ўсім дапамагчы вам. Мы зробім усё, каб злавіць удзельнікаў і датычных да тэрактаў. Мы будзем разам змагацца з тэрарыстамі.
Мы, як грамадзяне, павінны дакладна адказаць на атакі. Мы павінны жыць з чалавечнасцю, з любоўю да бліжняга, з радасцю быць разам. Мы верым у права кожнага асобнага чалавека шукаць сваё асабістае шчасце, у права жыць з павагай да іншага, у талерантнасць. Мы ведаем, што наша свабоднае жыццё мацнейшае, чым любы тэрор.
Давайце адкажам тэрарыстам. Мы зробім гэта ўпэўнена, усведамляючы нашы каштоўнасці. І ўмацаваць гэтыя каштоўнасці ва ўсёй Еўропе. Зараз гэта трэба зрабіць мацней, чым калі-кольвек.
Цяпер чытаюць
Пракуратура пра смерць Мелказёрава: журналіст меў хранічную хваробу8
Каментары