Польскія заўзятары напалі на беларускіх падчас хакейнага матча ў Францыі ФОТАФАКТ
У другім перыядзе матча кантынентальнага Кантынентальнага Кубка паміж салігорскім «Шахцёрам» і польскім «Тыхы», што прайшоў у французскім Руане, адбылося сур'ёзнае здарэнне.
«18 беларускіх заўзятараў падтрымлівалі каманду. Двое польскіх правакатараў падышлі да беларускага сектару і сталі абражаць беларусаў і распускаць рукі, пасля чаго завязалася бойка. З польскага сектара адразу вылучылася каля 50 фанатаў, многія з якіх хавалі твары маскамі. За беларусаў заступіліся французскія заўзятары, і толькі потым у справу ўмяшалася ахова, якая не дала разгарэцца поўнамаштабнай бойцы і адціснула польскіх фанатаў назад на іх сектар.
З-за гэтага здарэння нават быў перапынены сам матч. Пасля гульні паліцыя спачатку вывела ўсіх польскіх фанатаў з арэны, а затым праводзіла беларусаў у гатэль. З беларускіх заўзятараў ніхто сур'ёзна не пацярпеў. А вось пра двух польскіх правакатараў гэтага сказаць нельга», — паведаміў адзін з заўзятараў.
Лукашэнка знайшоў незвычайныя словы для спачування Хаменеі: «вераломная атака»27
Каментары