Аляксандру Лукашэнку прысвоена званне «Ганаровы Уздзень Дагестана» «за жалезную волю, дальнабачную палітыку і прыклад патрыятызму і павагі да народаў СНД».
Сертыфікат аб прысваенні ганаровага звання, а таксама медаль вольнага грамадства «За жалезную волю і захаванне высокай маральнасці» былі перададзеныя паслу Беларусі ў Расіі Ігару Петрышэнку 17 лістапада ў пасольстве Беларусі ў Маскве на сустрэчы са старшынёй савета ДРГА «Уздзені Дагестана» Керымханам Умаханавым.
У Дагестане ўздзенямі называлі саслоўе вольных людзей, пасялян, якія жылі або самастойнымі сельскімі суполкамі, або знаходзіліся ў падпарадкаванні розных валадароў на правах падданства. У перакладзе «ўздзень» азначае «той, хто жыве сам па сабе».
«Прысвойваючы вашаму лідару высокае званне, мы выказалі агульны настрой думак дагестанскага вольнага грамадства адзначыць яго асабісты ўклад у тое, што Беларусь стала ўзорам дружбы народаў і росквіту нацыянальных культур не толькі ў Еўропе, але і ва ўсім свеце», — адзначыў Керымхан Умаханаў.
Акрамя сертыфіката і медалі, прадстаўнік Дагестана перадаў паслу Беларусі для Аляксандра Лукашэнкі бурку, шаблю і папаху, паведамляе РІА «Дагестан».
-
Наўроцкі зноў унёс у польскі Сейм закон, які істотна павялічвае тэрміны атрымання грамадзянства — гэта трэцяя спроба
-
Памёр галоўны рэдактар знакавага часопіса Перабудовы «Огонёк» Віталій Кароціч
-
Пад Таганрогам дачка крымінальнага аўтарытэта Цапка з сынам пракурора на «Мэрсэдэсе» ўляцелі ў прыватны дом
Цяпер чытаюць
Генерал Келаг расказаў, чаму ЗША размаўляюць з Лукашэнкам5
Каментары