Кіраўнік Адміністрацыі прэзідэнта Беларусі: 2016 будзе складаным, не ўсюды атрымліваецца і з рэзервам кадраў
«Мы практычна штомесяц праводзім сацыялагічныя апытанні, таму ведаем ўсе недахопы, якія часам узнікаюць па віне кіраўнікоў. Мы не падарожнічаем, сузіраючы, што адбываецца, а робім усё неабходнае, каб ліквідаваць іх. Але гэта не імгненная праца, а знясільваючая праца, бо трэба памяняць і менталітэт, і псіхалогію людзей, і выхаваць асобу», — заявіў кіраўнік Адміністрацыі прэзідэнта Беларусі Аляксандр Косінец у інтэрв'ю праграме «Контуры» тэлеканала АНТ.
Вядучы праграмы таксама задаў Косінцу пытанне пра кадры.
«У нас няма карысных выкапняў і тых багаццяў, якія ёсць у свеце. У нас самае галоўнае багацце — чалавек.
Так, не ўсюды атрымліваецца і з рэзервам кадраў, і з ростам. Гэта складаны працэс — вырасціць сапраўднага кіраўніка.
У цэлым, у нас добра падрыхтаваныя кадры, ім проста неабходна адаптавацца да сучасных умоў, бачыць, што адбываецца ў эканоміцы, свеце і, у канчатковым выніку, заняць больш актыўную, байцоўскую пазіцыю для адстойвання інтарэсаў свайго прадпрыемства або ўстановы», — адказаў кіраўнік Адміністрацыі.
Аляксандр Косінец таксама паўтарыў словы Лукашэнкі, што 2016 будзе складаным.
«2016 будзе складаным, бо горшаюць працэсы, звязаныя з міжнародным канфліктамі. На планеце ідуць войны. Ідзе досыць інтэнсіўнае супрацьстаянне розных дзяржаў», — растлумачыў ён.
На яго думку, пасля развалу СССР «па сутнасці справы, ідзе Трэцяя сусветная вайна».
«Выкарыстоўваючы розныя метады — і эканамічныя, і ваенныя — адстойваюць моцныя свету гэтага свае інтарэсы, не думаючы пра малыя дзяржавы, пра людзей. Адсюль і ўцекачы, і голад», — лічыць чыноўнік.
У 2016 годзе, паводле слоў кіраўніка Адміністрацыі прэзідэнта, беларускім уладам варта засяродзіцца на сферы эканомікі.
«Мы павінны вельмі сур'ёзна падтрымліваць малы і сярэдні бізнес, бо ён можа аказаць самы істотны ўплыў на развіццё нашай краіны. Мы будзем падтрымліваць ініцыятыву і прагматычнасць нашых людзей, ствараць усе неабходныя ўмовы, каб яны дамагаліся выніку», — сказаў Косінец.
«Пераапрануўся ў амапаўца і дырыжыраваў чорнай дубінкай». Адзін з заснавальнікаў «Вольнага хору» — пра акцыі ў гандлёвых цэнтрах у 2020‑м і працу ў філармоніі ў Літве55
Каментары