Пасля паведамлення 19 студзеня аб выплаце рэкорднага сіндыкаванага крэдыту ў памеры 203 млн даляраў ЗША (быў прыцягнуты ў ліпені 2015 года) «Беларусбанк» на наступны дзень распаўсюдзіў інфармацыю аб прыцягненні з-за мяжы чарговага, «беспрэцэдэнтнага для айчыннага фінансавага рынку сіндыкаванага крэдыту».
Аб'ём прыцягнутых рэсурсаў склаў у эквіваленце 265 млн даляраў. Банкамі-крэдыторамі выступілі фінансавыя інстытуты з Расіі, Казахстана, Латвіі, а таксама Еўразійскі банк развіцця.
«Беларусбанк» пачаў новы год са значнай для краіны і банка падзеі: ва ўмовах нявызначанасці на фінансавых рынках, а таксама ўзмацнення патрабаванняў замежных крэдытораў банк прыцягнуў самы буйны сіндыкаваны крэдыт у гісторыі айчыннай банкаўскай сістэмы, — прыводзіць прэс-служба банка словы старшыні праўлення Сяргея Пісарыка. — Рэсурсы прыцягнутыя на ўмовах, якія дазваляюць зрабіць таннейшым крэдытаванне кліентаў банка, і будуць накіраваныя на фінансаванне іх знешнегандлёвых кантрактаў».
Цяпер чытаюць
Калеснікава: Я не разумею, чаму Еўропа не пачала перамовы з Лукашэнкам раней за ЗША70
Каментары