Paśla paviedamleńnia 19 studzienia ab vypłacie rekordnaha sindykavanaha kredytu ŭ pamiery 203 młn dalaraŭ ZŠA (byŭ pryciahnuty ŭ lipieni 2015 hoda) «Biełarusbank» na nastupny dzień raspaŭsiudziŭ infarmacyju ab pryciahnieńni z-za miažy čarhovaha, «biesprecedentnaha dla ajčynnaha finansavaha rynku sindykavanaha kredytu».
Abjom pryciahnutych resursaŭ skłaŭ u ekvivalencie 265 młn dalaraŭ. Bankami-kredytorami vystupili finansavyja instytuty z Rasii, Kazachstana, Łatvii, a taksama Jeŭrazijski bank raźvićcia.
«Biełarusbank» pačaŭ novy hod sa značnaj dla krainy i banka padziei: va ŭmovach niavyznačanaści na finansavych rynkach, a taksama ŭzmacnieńnia patrabavańniaŭ zamiežnych kredytoraŭ bank pryciahnuŭ samy bujny sindykavany kredyt u historyi ajčynnaj bankaŭskaj sistemy, — pryvodzić pres-słužba banka słovy staršyni praŭleńnia Siarhieja Pisaryka. — Resursy pryciahnutyja na ŭmovach, jakija dazvalajuć zrabić tańniejšym kredytavańnie klijentaŭ banka, i buduć nakiravanyja na finansavańnie ich źniešniehandlovych kantraktaŭ».
Kamientary