Украінская страва са, здавалася б, неспалучальных прадуктаў — сала ў шакаладзе — карыстаецца нязменным попытам у турыстаў. Беларускія вытворцы таксама здзівілі спажыўцоў, выпусціўшы чыпсы ў шакаладзе Just Brutal. McDonald's вырашыў не адставаць: неўзабаве ў рэстаранах з'явіцца бульба-фры, палітая шакаладным соусам. Пра гэта паведамляецца на сайце кампаніі.
Новая страва ў меню McDonald's будзе называцца McChoco. Соус будзе прапанаваны ў двух варыянтах — малочны шакалад і какава. У McDonald's упэўненыя, што спалучэнне салёнага і салодкага створыць цудоўны смак.
У рэстаране адзначаюць, што замовіць МакЧока можна будзе як разам з гамбургерам, так і ў якасці дэсерту.
Першымі навінку змогуць ацаніць жыхары Японіі. Там страва паступіць у продаж 26 студзеня і будзе знаходзіцца ў меню падчас адмысловай акцыі. Пасля гэтага запусціць новую страву збіраюцца ў рэстаранах хуткага харчавання McDonald's у іншых краінах.
Каментары