«Селядзец пад шубай» з чырвонай ікрой ад пафаснага рэстарана расчараваў пакупнікоў
За 51 рубель за паўкіло — ружовая маса ў звычайным кантэйнеры з фольгі.
Гастранамічны рэстаран Fabriq, які вельмі любяць лукашэнкаўскія прыгажуні, стварыў спецыяльнае святочнае меню. Прапаноўвалася замовіць рэстаранныя стравы для свайго хатняга свята.
Сярод пазіцый была і папулярная салата «Селядзец пад шубай» — праўда, з чырвонай ікрой. На рэкламным фота страва выглядала як мініяцюрны торт: па цэнтры — акуратная горка ікры, абрамленая галінкай размарыну. Цана — 51 рубель за паўкілаграмовую порцыю (то бок 102 рублі за кілаграм).
Адна з беларусак падзялілася ў Threads тым, што атрымала за такія грошы. І гэта цудоўная ілюстрацыя для мемаў з серыі «чакане ды рэчаіснасць».
Замест кулінарнага твора мастацтва жанчыне дасталася ружовая маса ў звычайным кантэйнеры з фольгі. Чырвоная ікра была ў невялікім пластыкавым кантэйнеры. А вось пра размарын забыліся.
Візуальна ніколі не здагадаешся, што гэтая страва з элітнага рэстарана, а не з бліжэйшага гіпермаркета. Для параўнання: кілаграм «Селядца пад шубай» у краме каштуе каля 14 рублёў за кілаграм.
Карыстальнікі сацсеткі былі вельмі здзіўленыя, што далёка не бюджэтны Fabriq мог прадаць такое. Але некаторыя пацвердзілі, што атрымалі тое ж самае. У каментарах пачалі жартаваць.
«А вось «Селядзец пад шубай» са звычайнай кулінарыі з вамі ніколі б так не зрабіў».
«Такі fabric, такі details».
Беларуска распавяла, што напісала рэстарану пра сваё здзіўленне: «Першапачаткова адказ быў пра тое, што фармат замовы з сабой прадугледжвае размяшчэнне стравы ў кантэйнеры для транспарціроўкі. Ікру падаюць асобна, каб не пусціла сок на салату. Фатаграфія ў інстаграм носіць інфармацыйны характар, таксама як і вага стравы, якая адрозніваецца на фатаграфіі. Таксама пры замове можна выбраць посуд з сабой або размясціць страву ў сваім посудзе, тады яна будзе па форме і дэкору прыдатная».
Навагодні стол за 20 рублёў: беларуска паказала, што здолела купіць на такія грошы
«Шато дэ Пакет»: у сацсетках жартуюць з таго, што «Белавія» пачала наліваць на рэйсах непрыстойна таннае віно
Пафасны і дужа дарагі рэстаран у Гродне трапіў у скандал праз карціны беларускай мастачкі
«Ад маскалёў і для маскалёў. А вы думалі, што для беларусаў зробяць?» У цэнтры Мінска адкрылася «Дранічная №1»
Цяпер чытаюць
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»5
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»
Вайб-праграмаванне зменіць ролю распрацоўшчыка, RLVR, і калі лопне бурбалка. Беларус-інжынер у галіне ШІ, які працуе ў ЗША, расказаў, што нас чакае ў 202633
Каментары