У Партугаліі пачалося галасаванне на прэзідэнцкіх выбарах, у якіх прымае ўдзел рэкордная колькасць кандыдатаў — 10.
Галоўным прэтэндэнтам на перамогу лічаць былога правацэнтрысцкага палітыка, кандыдата ад Сацыял-дэмакратычнай партыі Марсэла Рэбела ды Сузу.
Дзейны кіраўнік дзяржавы, 76-гадовы Анібал Каваку Сілва, які знаходзіцца на пасадзе прэзідэнта з 2006 года, не мог балатавацца, паколькі займаў гэтую пасаду два тэрміны запар.
Пасада прэзідэнта ў Партугаліі ў асноўным цырыманіяльная, аднак у кіраўніка дзяржавы ёсць права распускаць парламент у выпадку крызісу.
З лістапада у Партугаліі кіруе даволі хісткая кааліцыя левых партый.
Каментары