Беларус спрабаваў нелегальна ўвезці з Польшчы рарытэтныя гадзіннікі і карціну
Падчас кантролю на «зялёным калідоры» памежнага пункта ў Брэсце мытнікі знайшлі ў грамадзяніна ў асабістых рэчах карціну, напісаную алейнымі фарбамі ў канцы ХХ стагоддзя, два камінныя гадзіннікі з ліццевага мармуру і меднага сплаву, а таксама патэфон, паведаміла прэс-служба Дзяржаўанга мытнага камітэта.
Экспертыза пацвердзіла, што карціна і гадзіннікі з’яўляюцца культурнымі каштоўнасцямі. Мужчына, праўда, сцвярджаў, што сам ён валодае толькі патэфонам, а астатнія рэчы яго папрасіў перавезці праз мяжу незнаёмы чалавек.
Брэсцкая мытня распачала адміністрацыйны працэс па частцы 2 артыкула 15.1 КаАП (патаемнае перамяшчэнне тавараў, якія падлягаюць мытнаму дэклараванню, праз мяжу ЕАЭС), што можа прывесці да штрафу да 1 260 рублёў і канфіскацыі незаконна перавезеных рэчаў.
Каментары