Паспрабаваць марозіва ад Baskin Robbins у Мінску можна цяпер у новым ГЦ «Мома». Найбуйнейшая ў свеце сетка кафэ-марожаных запрашае на адкрыццё 6 лютага ў 12.00.
У планах кампаніі адкрыць у хуткім часе яшчэ тры кропкі ў Мінску і некалькі — у рэгіянальных гарадах.
«Першае кафэ Baskin Robbins было адкрытае ў фармаце фуд-корт, другая ў ГЦ «Мома» — паўнавартаснае кафэ на 18 пасадачных месцаў — распавёў кіраўнік Baskin Robbins у Беларусі Арцём Крапчук. — Мы завезлі каля 40 гатункаў, якія будуць пастаянна абнаўляцца. Кампанія старанна сочыць за якасцю сваёй прадукцыі, тут усе дэсерты зробленыя толькі з натуральных кампанентаў».
Наведвальнікам кафэ прапануюць як класічныя дэсерты Baskin Robbins, так і новыя модныя навінкі. Фірмовыя сандэі, малочныя кактэйлі прэміум дэ люкс, фрызы, смузі і іншыя асвяжальныя напоі. У меню ўстановы таксама эксклюзіўныя торты-марозіва ручной працы. Дэсерты зробленыя на аснове натуральных вяршкоў і фруктовых сокаў без штучных фарбавальнікаў.
Цана стартуе ад 25 000 рублёў за шарык. Асобна можна купіць вафельны ражок або кошык за 10 000 рублёў. Наведвальнікі кафэ таксама змогуць замовіць кактэйлі і торты з марозіва або зміксаваць свой унікальны дэсерт. Малочны кактэйль тут абыдзецца ў 85 000 рублёў, кошт тортаў — ад 250 000 рублёў.
«Марозіва Baskin Robbins вырабляюць і дастаўляюць з Масквы. Да такіх святаў, як 14 лютага і 8 Сакавіка, рыхтуем тэматычныя дэсерты», — распавёў Арцём Крапчук.
«На адкрыцці будзем дарыць падарункавыя сертыфікаты на марозіва і частаваць тортам», — дадаў ён.
Ужо сёння любы ахвотны зможа пакаштаваць марозіва Baskin Robbins на адкрыцці другога пункту продажу ў Мінску. Адкрыццё 6 лютага ў ГЦ «Мома» па адрасе: Партызанскі пр-т 150а, ст. м. «Магілёўская». З 12.00 да 22.00.
Цяпер чытаюць
Азараў закрыў план «Перамога» і перавёў усіх удзельнікаў у рэзерв17
Азараў закрыў план «Перамога» і перавёў усіх удзельнікаў у рэзерв
«На канцэртах няма месца радыкальнаму нацыяналізму, агрэсіі і гвалту». Макс Корж выказаўся наконт скандалу, які разгарэўся пасля яго выступу ў Варшаве3333
Каментары