Памёр акцёр Тэрэнс Стэмп, вядомы па ролях у «Супермене» і «Зорных войнах»
Брытанскага акцёра не стала на 88-м годзе жыцця.
Тэрэнс Стэмп памёр раніцай 17 жніўня. Сям’я акцёра падкрэсліла, што яго творчасць пакінула незабыўны след і яшчэ доўга будзе натхняць людзей. Прычыны смерці не паведамляюцца.
Тэрэнс Стэмп нарадзіўся ў Лондане ў 1938 годзе. Ягоная першая вялікая праца — роля ў фільме «Білі Бад» (1962), за якую ён атрымаў намінацыю на «Оскар» і «Залаты глобус» як найлепшы дэбютант. Пазней сыграў галоўную ролю ў экранізацыі рамана Джона Фаўлза «Калекцыянер» (1965), за якую быў адзначаны на Канскім кінафестывалі як лепшы малады акцёр.
Найбольш вядомы гледачам па ролі ліхадзея генерала Зода ў фільмах «Супермен» (1978) і «Супермен 2» (1980). Больш маладому пакаленню Стэмп знаёмы па ролі канцлера Велорума ў «Зорных войнах. Эпізод I: Уяўная пагроза» (1999).
За сваю больш як шасцідзесяцігадовую кар’еру Тэрэнс Стэмп зняўся больш чым у 50 фільмах. Сярод апошніх прац — «Горкая жніво» (2017), «Скрыўлены дамок» (2017), «Загадкавае забойства» (2019) і «Учора ўначы ў Соха» (2021).
Цяпер чытаюць
Бабарыка заявіў пра вяртанне ў палітыку і назваў вінаватага ў тым, што змены не адбыліся ў 2020-м15
Бабарыка заявіў пра вяртанне ў палітыку і назваў вінаватага ў тым, што змены не адбыліся ў 2020-м
Дзеці злізвалі з бруднай падлогі пралітае малако. Якой пабачыў замежнік Беларусь, спустошаную расійскімі і шведскімі войскамі ў час Паўночнай вайны1111
Каментары