Афрыканскі Саюз падтрымаў кампанію, якая заклікае адмовіцца ад карыстання створанай у XVI стагоддзі праекцыяй Меркатара на карысць геаграфічных картаў, якія больш дакладна адлюстроўваюць памеры кантынентаў, піша Reuters.
Праекцыя Меркатара, распрацаваная ў свой час у інтарэсах навігацыі, істотна павялічвае тэрыторыі каля палюсоў і памяншае Афрыку і Паўднёвую Амерыку.
Намесніца старшыні адпаведнай камісіі Афрыканскага Саюза Сельма Маліка Хададзі заявіла, што такая карта нібыта стварае падманнае ўражанне адносна «маргінальнасці» Афрыкі, хоць яна — другі па велічыні кантынент з насельніцтвам звыш мільярда чалавек. Гэта, маўляў, уплывае на адукацыю, медыя і палітыку.
Кампанія Correct The Map, якую вядзе ініцыятыва Africa No Filter разам са Speak Up Africa, прапануе выкарыстоўваць праекцыю Equal Earth (створаную ў 2018 годзе), якая спрабуе адлюстраваць краіны ў рэальных памерах. Арганізатары сцвярджаюць, што перакрыўлены вобраз Афрыкі — гэта «найдаўжэйшая ў свеце кампанія па дэзынфармацыі».
Афрыканскі Саюз плануе дамагчыся, каб новая карта стала стандартам у афрыканскіх школах і каб яе выкарыстоўвалі міжнародныя арганізацыі, у тым ліку ААН і Сусветны банк. Падобную падтрымку ініцыятыва атрымала і ў іншых рэгіёнах, напрыклад, у краінах Карыбскага басейна.
Хоць Google Maps у 2018 годзе адмовіўся ад праекцыі Меркатара на камп’ютарнай версіі на карысць 3D-глобуса, на мабільнай версіі яна ўсё яшчэ застаецца па змоўчанні.
Як нам хлусяць геаграфічныя карты
Марсіянскі метэарыт прадалі на аўкцыёне за вялікія грошы. Улады афрыканскай краіны пратэстуюць
У некалькіх краінах успышкі віруса Чыкунгунья. Што гэта такое і ці баяцца беларусам?
Мільянер, які гадамі забіваў дзікіх жывёл, загінуў на паляванні: яго працяў рагамі буйвал
Цяпер чытаюць
«Самага прывабнага саджаеш наперад, і ўсё без палева». Як і за колькі перавозяць у Еўропу нелегальных мігрантаў з беларускай мяжы4
Каментары
дарэчы, расея больш за ўсіх бонусаў сабрала з гэтага кшталту праекцыі
паважаная рэдакцыя магла б дадаць скрыншот з сайта real countries size дзе памеры паўночных краін знааааачна меньш, чым на меркатарскай праекцыі
Кожная краіна мае права ўжываць тыя мапы, якія ёй падабаюцца: РФ, ЗША, КНР, Японія - усе ужываюць мапы, дзе іх краіна - цэнтр свету
Гэта проста чарговы рэкет, для чарговай НДА нібыта з барацьбе з каланіальнай спадчынай
А вось што трэба глабальна змяніць - гэта дапамогу Афрыцы.
Бо ў афрыканцаў больш натуральных рэсурсаў і пладароднай глебы, чым ва ўсім астатнім свеце. Ёсць тэхналогіі, ёсць дапаможнікі, ёсць інтэрнэт - ідзіце самі працуйце на свай дабрабыт
І Еўропа, і ЗША, і Кітай пабудаваныя на стагоддзях цяжкай працы.