У ноч на 18 жніўня нафтабаза, якая належыць азербайджанскай SOCAR і знаходзіцца ў Адэскай вобласці, падверглася серыі атак з выкарыстаннем беспілотнікаў.
Як паведамляе APA, пасля некалькіх прамых траплянняў на базе ўзнік пажар.
У выніку былі пашкоджаны 17 паліўных рэзерваў, будынак насоснай станцыі, аператарскія і тэхнічныя памяшканні. Агароджа тэрыторыі разбурана.
У цяперашні час праводзіцца ацэнка шкоды, прызначана экспертыза і вядуцца тэрміновыя аднаўленчыя работы.
Гэта ўжо не першая масавая атака на аб’ект. 8 жніўня па гэтай жа нафтабазе таксама было выпушчана каля 10 беспілотнікаў, у выніку чаго былі зафіксаваны частковыя разбурэнні.
Тыдзень таму падчас тэлефоннай размовы Зяленскага і прэзідэнта Азербайджана бакі асудзілі авіяўдары Расіі па нафтабазе азербайджанскай кампаніі SOCAR і іншых аб’ектах Азербайджана на тэрыторыі Украіны. Азербайджан паведаміў, што рыхтуе адказ на ўдары Расіі па азербайджанскіх нафтагазавых аб’ектах ва Украіне. Паводле інсайдараў, афіцыйны Баку мог бы зняць эмбарга на пастаўкі ўзбраення Украіне. Таксама прэзідэнт Азербайджана выдзеліў два мільёны даляраў на гуманітарную дапамогу Украіне.
Цяпер чытаюць
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7878
Каментары