У Стаўрапалі (РФ) пачаліся слуханні крымінальнай справы ў дачыненні да блогера Віктара Краснова, якога экспертыза прызнала вінаватым у абразе пачуццяў вернікаў. У кастрычніку 2014 года Красноў, ведучы спрэчку ў адной з груп сацсеткі «УКантакце», напісаў фразу «Бога няма» і назваў Біблію «зборнікам габрэйскіх казак».
Пра пачатак разбору напісаў у фэйсбуку праваабаронца Павел Чыкаў. «Цяпер пачаліся слуханні крымінальнай справы міравым суддзёй Прамысловага раёна Стаўрапаля. Блогера Віктара Краснова ў Стаўрапалі судзяць па новай рэдакцыі арт. 148 КК РФ (Абраза пачуццяў вернікаў), прынятай пасля справы Pussy Riot», — напісаў ён.
Як паведамляецца, атэістычныя выказванні Краснова абразілі дваіх яго суразмоўцаў, якія напісалі на блогера заявы ў паліцыю. Да канца года следчы аддзел па Прамысловым раёне Стаўрапаля перадаў у пракуратуру абвінавачванне па артыкуле аб абразе пачуццяў вернікаў. Краснову пагражае да трох гадоў зняволення ў калоніі.
Як распавёў Красноў, у дачыненні да яго выказвання была праведзеная лінгвістычная экспертыза. У заключэнні экспертаў, скан якога прыводзіць выданне Грані.Ру, гаворыцца, што выказванне адносіцца не да людзей, а да рэлігійных дагматаў, а таму абразай годнасці пацярпелых не з'яўляецца. Аднак, працягваюць эксперты, «выказванні носяць абразлівы характар праваслаўнага хрысціянства і накіраваныя на прыніжэнне (абразу) рэлігійных пачуццяў вернікаў».
Таксама ў інтэрв'ю «Граням» Красноў паведаміў, што на яго тэлефон пасля спрэчкі пра Бога ў сацсетцы пачалі прыходзіць ананімныя пагрозы.
-
Трамп хоча пазбавіць права голасу ў НАТА тыя краіны, якія трацяць на абарону менш за 5% ВУП
-
Зяленскі: Пакуль перанакіравання зброі з Украіны на Блізкі Усход няма, а там пабачым
-
Рысь, якая гуляе, мядзведзь і фламінга на фоне правадоў. За каго галасавалі гледачы на конкурсе «Фатограф дзікай прыроды года»
Цяпер чытаюць
Вынеслі прысуд Паліне Зыль — блогерцы, якая стала нулявым пацыентам справы Гаюна, бо ў яе знайшлі тую самую спасылку ад Матолькі15
Каментары