Малады чалавек з прыкутай кайданкамі дзяўчынай выклікаў трывогу жыхароў Гродна: абвешчаны вышук, паведамілі ў прэс-службе УУС Гродзенскага аблвыканкама.
У органы ўнутраных спраў 5 сакавіка звярнулася жыхарка абласнога цэнтра. Жанчына стала відавочцам дзіўнай сітуацыі. Яна бачыла, як па вуліцы малады чалавек вёў дзяўчыну ў кайданках. Гэта адбылося паблізу прыпынку грамадскага транспарту «Дом Мураўёва» па вул. Савецкай.
Па факце праводзіцца праверка, у тым ліку адпрацоўваецца крымінальная версія аб супрацьпраўных дзеяннях у адносінах да прадстаўніцы слабага полу. Мясцовых жыхароў, якія маюць якую-небудзь інфармацыяй, просяць звярнуцца ў міліцыю. На сайце абласнога УУС і ў сацыяльных сетках размясцілі фота шуканага хлопца. Праўда, ва УУС не выключаюць, што паводзіны маладых людзей могуць тлумачыцца розыгрышам ці, напрыклад, арыгінальнай прапановай рукі і сэрца.
Цяпер чытаюць
«Засяроджуся на працы з ЗША». Ціханоўскі расказаў пра свае палітычныя планы на 2026 год8
Каментары