У віленскай «Максіме» каб не плаціць за гарэлку, мужчына выпіў яе проста ў гіпермаркеце
Адным махам наведнік крамы ў Вільні выпіў бутэльку гарэлкі і адразу ж – бутэльку сідру. Потым пакупнік спрабаваў выпіць яшчэ бутэльку настойкі, але згубіў прытомнасць.
Інцыдэнт здарыўся ранкам у гандлёвым цэнтры «Maxima» па вуліцы Міндоўга. Прадаўцы і ахоўнікі не паспелі спыніць мужчыну, які адну за другой выпіваў бутэлькі з алкаголем.
Цягам некалькіх хвілінаў мужчына згубіў прытомнасць. Працаўнікі крамы выклікалі «хуткую». Падобна, што адміністрацыя крамы нават не будзе звяртацца ў паліцыю з нагоды інцыдэнту, бо гэткі «пакупнік» ім ужо вядомы. Гэта наркаман, які не мае аніякай маёмасці, паведамляе партал delfi.lt.
Пракуратура пра смерць Мелказёрава: журналіст меў хранічную хваробу17
Каментары