Стваральнік месенджара Telegram Павел Дураў абвясціў сярод распрацоўшчыкаў ботаў для гэтага сэрвісу конкурс, пераможцы якога змогуць атрымаць гранты на суму ад 25 тысяч даляраў.
Бот — вытворнае ад слова «робат» — гэта праграма, якая выконвае якія-небудзь дзеянні праз тыя ж інтэрфейсы, што і звычайны жывы карыстальнік (у дадзеным выпадку — праз інтэрфейсы месенджара Telegram).
У пачатку красавіка стала вядома, што адразу дзве найбуйнейшыя сацыяльныя сеткі — Facebook і Telegram — заклапаціліся запускам інструментаў для стварэння ботаў — для зносін у сацсетках і ўдасканалення штучнага інтэлекту.
Як удакладняецца ў блогу на сайце месенджара, агульны памер фонду, з якога будуць вылучацца гранты, складзе мільён даляраў. Удзельнікам конкурсу трэба стварыць праз спецыяльную праграму бот, які будзе адначасова хуткім і карысным для карыстальнікаў.
У блогу адзначаецца, што стваральнікі Telegram таксама не пярэчаць супраць пераносу ботаў з іншых платформаў, калі гэта зроблена якасна і бот у выніку цалкам упісваецца ў месенджар.
Для таго каб бот прыняў удзел у конкурсе, аўтарам трэба напісаць у канал службы падтрымкі яго віртуальнае імя з хэштэгам BotPrize. Апошні тэрмін падачы заявак — 31 снежня бягучага года.
Месенджар Telegram створаны заснавальнікам сацыяльнай сеткі «УКантакце» Паўлам Дуравым. Яго галоўнай адметнай асаблівасцю з'яўляецца сістэма глыбокага шыфравання паведамленняў. Пратакол перадачы дадзеных, які выкарыстоўваецца ў Telegram, як сцвярджаецца, выключае магчымасць перахопу паведамленняў трэцімі асобамі. Аўдыторыя сэрвісу ацэньваецца ў 100 млн чалавек.
-
Навукоўцы даказалі марнасць інтэрнэт-спрэчак: ніхто не мяняе думку, а вынікі не рэпрэзентуюць большую частку грамадства
-
ШІ бяссільны перад мастацтвам: вершаваныя запыты змусілі яго расказаць, як ствараць атамныя бомбы і ламаць сайты
-
У Зямлі ёсць хвост, які цягнецца як мінімум на 2 мільёны кіламетраў
Начальнік міліцыі Брагіна страляў у сваю жонку. Яна цудам выжыла9
Каментары