Пінскі міжраённы аддзел Следчага камітэта высвятляе акалічнасці гібелі 37-гадовага мужчыны.
Як паведаміў афіцыйны прадстаўнік упраўлення Следчага камітэта па Брэсцкай вобласці Марына Дранькова, раніцай 22 красавіка ў Пінску мужчына выпаў з акна сваёй кватэры, размешчанай на пятым паверсе.
Трагедыя здарылася на вачах у яго жонкі. Як растлумачыла жанчына, увечары 21 красавіка муж знаходзіўся ў стане алкагольнага ап'янення. Прыблізна ў 22.40 ён лёг спаць. Прыкладна ў 5.00 22 красавіка муж прачнуўся, пачаў хадзіць па спальні, затым адкрыў акно і скочыў уніз.
Жанчына выклікала хуткую дапамогу. Медыкі канстатавалі смерць яе мужа.
Падчас першапачатковых праверачных мерапрыемстваў апытаныя родныя і суседзі загінулага, праведзены агляд месца здарэння, прызначаная судова-медыцынская экспертыза. Перадсмяротных запісак не знойдзена.
Мужчына афіцыйна нідзе не працаваў, жыў з жонкай і іх сумесным дзіцем.
Цяпер чытаюць
Маладой маме з Навагрудка далі 6 гадоў за карупцыю. Яна даказала сваю невінаватасць — але калі ўжо адседзела1
Каментары