Акупацыйныя ўлады праводзяць ператрусы, допыты і распачынаюць крымінальныя справы супраць крымскіх татараў, каб прымусіць іх пакінуць Крым.
Пра гэта лідар крымскататарскага народа, народны дэпутат Украіны Мустафа Джамілеў заявіў «Крым.Реалии».
«Адзіная мэта — запалохаць, прымусіць людзей маўчаць. Ёсць яшчэ другая мэта — прымусіць крымскіх татараў пакінуць Крым. Яны, гэтак жа, як і ў сталінскія часы, хочуць бачыць этнічны такі чысты рускі Крым», — лічыць ён.
На думку Джамілева, крымінальная справа, распачатая ФСБ у дачыненні да намесніка кіраўніка Меджліса крымскататарскага народа Ільмі Умерава, неабгрунтаваная і не адпавядае закону.
«У акупантаў такі страх перад крымскімі татарамі, што яны не лічацца ні з якімі нормамі і законамі. Абвінавачванне Ільмі Умерава у тым, што ён заклікаў да замаху на тэрытарыяльную цэласнасць Расійскай Федэрацыі, — гэта абсурд. Ён проста выказваў свой пункт гледжання як грамадзянін Украіны і сын свайго народа. А наш народ цалкам не прызнаў гэтую акупацыю», — адзначыў ён.
Джамілеў таксама нагадаў, што расійскую анексію Крыма не прызнаў і цэлы шэраг краін Еўропы.
Канцэрт Макса Каржа пачаўся з затрымкай на дзве гадзіны. «Беларусь топ!» — крычаць і ён, і фанаты9
Каментары