У Брэсце 23 мая каля 11.00 з акна кватэры, размешчанай на восьмым паверсе жылога дома па вуліцы Луцкай, выпаў двухгадовы хлопчык.
Як паведаміў афіцыйны прадстаўнік упраўлення Следчага камітэта па Брэсцкай вобласці Марына Дранькова, дзіця знаходзілася ў кватэры па месцы жыхарства разам з маці. У момант падзення яна была на кухні.
Паводле папярэдніх дадзеных, хлопчык у пакоі з дапамогай дзіцячага крэсла ўзлез на падаконнiк, адкрыў акно ў шклопакеце і выпаў уніз на зямлю.
Мінак, які стаў відавочцам здарэння, паведаміў у хуткую дапамогу.
Хлопчык дастаўлены ў рэанімацыйнае аддзяленне Брэсцкай дзіцячай абласной бальніцы ў вельмі цяжкім стане. На месца здарэння выбыла следча-аператыўная група. Высвятляюцца ўсе абставіны здарэння, а таксама прычыны і ўмовы падзення дзіцяці з акна.
Цяпер чытаюць
Беларуска набіла на целе партрэты Лукашэнкі і яго сыноў, Умкі, Пуціна ды Сі Цзіньпіна12
Каментары