«МанСіці» купіў 19-гадовага гульца зборнай Украіны з расійскага клуба, які трэніруе беларус
Футбольны клуб «Манчэстэр Сіці», які выступае ў англійскай прэм'ер-лізе, купіў украінскага футбаліста з расійскага клуба «Уфа». Пра набыццё Аляксандра Зінчанкі «МанСіці» абвясціў у афіцыйным твітары.
Дэталі здзелкі не раскрываюцца. Па дадзеных сайта «Чэмпіянат.ру», з паўабаронцам падпісалі пяцігадовы кантракт. Як паведамляе Manchester Evening News, за Зінчанку заплацяць не менш за 4,2 мільёна еўра.
«Манчэстэр Сіці» плануе аддаць гульца ў арэнду ў нідэрландскі «ПСВ».
***
19-гадовы Аляксандр Зінчанка выступаў за «Уфу» у 2015-2016 гадах. Ён правёў 31 гульню і забіў два галы. На Еўра-2016 ён удзельнічаў ва ўсіх трох гульнях Украіны.
«Манчэстэр Сіці» наняў для сезона 2016/2017 новага трэнера. Ім стаў Хасэп Гвардыёла, які раней трэніраваў мюнхенскую «Баварыю». Зінчанка стаў чацвёртым гульцом, якога клуб купіў пры Гвардыёле.
«Уфу», у сваю чаргу, 6 чэрвеня 2016 г. узначаліў беларускі спецыяліст Віктар Ганчарэнка, які перад гэтым трэніраваў у Расіі «Кубань», «Урал», працаваў трэнерам у ЦСКА.
Цяпер чытаюць
У Мінску завяршылі будаўніцтва пяцізоркавага гатэля на месцы колішняга «Белэкспа»7
У Мінску завяршылі будаўніцтва пяцізоркавага гатэля на месцы колішняга «Белэкспа»
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю33
Каментары