Прэзідэнт Турцыі Рэджэп Таіп Эрдаган заклікаў прэзідэнта ЗША Барака Абаму выдаць прапаведніка і ўплывовага грамадскага дзеяча Фетхулу Гюлена, якога Анкара абвінавачвае ў дачыненні да спробы вайсковага перавароту ў краіне.
«Я звяртаюся да прэзідэнта ЗША. Я казаў, каб вы ці дэпартавалі гэтага чалавека, або выдалі нам. Але мяне не пачулі. Цяпер жа пасля гэтай спробы перавароту я зноў кажу: выдайце яго Турцыі — заявіў Эрдаган. — Калі мы з'яўляемся стратэгічнымі партнёрамі, то вы павінны выканаць нашу просьбу».
Сам Гюлен у суботу ўвечары зноў зрабіў заяву аб тым, што не мае дачынення да путчу. Раней прапаведнік ўжо двойчы асуджаў спробу перавароту.
Барак Абама пакуль не каментаваў просьбы Анкары аб выдачы Гюлена. У заяве Белага дома, выпушчанай у суботу, Абама заклікаў улады Турцыі дзейнічаць у адпаведнасці з законам, каб не дапусціць падзей, якія могуць прывесці да эскалацыі гвалту і нестабільнасці.
Дзяржсакратар ЗША Джон Керы раней заявіў, што перш за ўсё Турцыя павінна даказаць віну Фетхулы Гюлена ў падзеях мінулай ночы.
Каментары