Нямеччына можа дазволіць грамадзянам Еўрасаюза служыць у бундэсверы
Нямеччына перажывае цяжкасці з наборам дастаткова якасных навабранцаў у шыхты Узброеных сіл, піша нядаўна апублікаваная «Белая кніга» па праблемах абароны.
Гэта звязана з адменай у краіне абавязковага вайсковага абавязку.
У сувязі з гэтым разглядаюцца розныя магчымасці прыцягнення новых рэкрутаў, у тым ліку дазвол грамадзянам іншых краін ЕС служыць у бундэсверы, адзначае францускі вайсковы партал.
Беспрацоўе ў Нямеччыне невялікае, а заробкі ў арміі недастаткова высокія, каб прыцягнуць спецыялістаў з прыватнага сектара.
У той жа час значная частка навабранцаў-добраахвотнікаў пакідаюць армію з-за расчаравання яшчэ на этапе першапачатковай падрыхтоўкі, адзначаюць аўтары «Белай кнігі».
З гэтай прычыны эксперты рэкамендуюць не толькі ўмацоўваць сувязі Мінабароны з прыватным сектарам, каб падтрымліваць вайскоўцаў пасля службы, але і дазволіць служыць у бундэсверы грамадзянам краін Еўразвяза.
Гэтая ідэя разглядалася яшчэ ў 2011 годзе, гаворыцца ў артыкуле. Да таго ж у сучасных умовах «адкрыццё бундэсвера для грамадзян ЕС ёсць моцным сігналам панеўрапейскага падыходу».
Цяпер чытаюць
Ціханоўскі расказаў, што трэба было рабіць у жніўні 2020-га63
Каментары