Грамадства1313

«Я адчуваю бязмежную ўдзячнасць»: сям’я і блізкія наведалі магілу Янкі Брыля ФОТА

Народны пісьменнік Беларусі пайшоў з жыцця дзесяць гадоў таму.

Іван Антонавіч пахаваны побач з жонкай Нінай Міхайлаўнай на могілках у мінскім прыгарадзе Калодзішчы.

Калі ў 2003 годзе пайшла з жыцця жонка Янкі Брыля, яе не дазволілі пахаваць ні на Усходніх, ні на Кальварыйскіх могілках. Разлучацца з каханай пісьменнік не хацеў, таму яго пахавалі побач. Янка Брыль, хоць і быў пакрыўджаны, казаў: «І тут зямля беларуская…»

Блізкія пісьменніка адзначаюць, што месца жывапіснае, на ўзгорку, аднак дабірацца да могілак складана: па дарозе амаль ніякіх указальнікаў і заблукаць вельмі лёгка.

Наведаць магілы Івана Антонавіча і Ніны Міхайлаўны прыехалі іх дзеці: Наталля, Галіна і Андрэй з жонкай Нінай Піліпаўнай. Разам з імі прыехаў і ўнук Антон Францішак Брыль.

Таксама былі геолаг Радзім Гарэцкі, гісторык Анатоль Сідарэвіч, пісьменніца Вольга Іпатава з мужам Ягорам Фядзюшыным і журналіст Міхась Скобла.

Больш за гадзіну блізкія Янкі Брыля правялі ля яго магілы. Прыгадвалі розныя эпізоды з жыцця, звязаныя з пісьменнікам і яго сябрамі, абменьваліся навінамі.

Радзім Гарэцкі і Вольга Іпатава.

«Наташа і Галя, я хачу сказаць пра сваю бязмежную ўдзячнасць, якую адчуваю да вашай сям’і, – кажа Вольга Іпатава, і на яе вочы наварочваюцца слёзы. – Гэта была першая нармальная сям’я, якую я ўбачыла. Ведаеце, як гэта ў дзіцячым доме было… Якія там сем’і. І раптам я прыязджаю ў сям’ю пісьменніка, там сядзяць дзве харошыя дзяўчынкі. І гэтая слаўная сям’я, з яе традыцыямі… Вам не перадаць. Я, можа быць, не магла гэтага выказаць. Паколькі з дзіцячага дома, то крыху дзікаватая бываю. Але вось гэтая наша сустрэча для мяне нагода сказаць вялікі дзякуй вам і вашай сям’і, якая так добра да мяне ставілася. Для мяне вялікае шчасце, што шляхі майго бацькі, маці і Івана Антонавіча сышліся і я магла да яго звяртацца як да сябра майго бацькі».

Анатоль Сідарэвіч.
Галіна Іванаўна, дачка Янкі Брыля.
Ягор Фядзюшын.

Злева направа: Антон Францішак Брыль, Андрэй Брыль і Радзім Гарэцкі.

Ніна Піліпаўна, жонка Андрэя Брыля.

10 гадоў без Янкі Брыля. Цікавыя эпізоды з жыцця пісьменніка

Непадалёк ад магілы Янкі Брыля вісіць гэты ўказальнік.

Каментары13

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

«Стаяць на сваім, кожны наколькі можа!» Вялікая гутарка з Наталляй Дулінай пра гопнікаў з ГУБАЗіКа, Калеснікаву і што там у каго ў калоніі11

«Стаяць на сваім, кожны наколькі можа!» Вялікая гутарка з Наталляй Дулінай пра гопнікаў з ГУБАЗіКа, Калеснікаву і што там у каго ў калоніі

Усе навіны →
Усе навіны

Ціханоўскі расказаў падрабязнасці пра сустрэчу ў СІЗА КДБ у 2020 годзе7

«Я знаходзіўся на рэжыме, які называецца «жэстачайшым». Ціханоўскі праз слёзы расказаў пра ўмовы ўтрымання палітвязняў9

«Напішы, што ты не супраць, каб цябе адправілі за мяжу». Ціханоўскі распавёў, як да яго прыязджаў Пратасевіч9

Памёр Радзім Гарэцкі4

«Кажу — прыеду і нікому там рукі не падам». Ціханоўскі расказаў, як рэагаваў на хлусню наконт жонкі і апазіцыі7

Ціханоўскі распавёў, колькі важыць і як яго адкормлівалі11

«Личинки в навозной куче не знают, что они в дерьме». Ціханоўскі прачытаў свой турэмны верш6

«Вызваленне Беларусі не можа пачацца, пакуль не рухне пуцінскі рэжым» — Ціханоўскі20

«Мы павінны змагацца супраць лукашызму». Першая прамова Сяргея Ціханоўскага на волі10

больш чытаных навін
больш лайканых навін

«Стаяць на сваім, кожны наколькі можа!» Вялікая гутарка з Наталляй Дулінай пра гопнікаў з ГУБАЗіКа, Калеснікаву і што там у каго ў калоніі11

«Стаяць на сваім, кожны наколькі можа!» Вялікая гутарка з Наталляй Дулінай пра гопнікаў з ГУБАЗіКа, Калеснікаву і што там у каго ў калоніі

Галоўнае
Усе навіны →

Заўвага:

 

 

 

 

Закрыць Паведаміць