За невялікі кошык сабраных ягадаў польскія фэрмэры будуць плаціць крыху больш даляра.
2,5 злотых (троху больш за долар) можна зарабіць за збор невялікага кошыка трускавак на плантацыі. Для палякаў гэта замалыя грошы. Таму фермеры шукаюць працаўнікоў за усходняй мяжой.
Сезон збору трускавак пачынаецца з чэрвеня і польскія фермеры ўжо цяпер занятыя пошукам беларусаў. Для гэтага ім дастаткова толькі напісаць заяву пра жаданне ўладкаваць на працу замежніка ў мясцовае упраўленне працы. Працаўнікоў шукаюць праз прыватных пасрэднікаў, часам нават праз аб’явы ў беларускіх выданнях.
‑ На мінулым тыдні да нас звярнуўся фермер з Польшчы, які паведаміў, што запрасіў 100 чалавек. Мы штодня выдаем каля 30 працоўных віз для працы ў сельскай гаспадарцы. Спадзяемся, што гэтая лічба будзе расці, — заявіў намеснік консула ў Гродне Барталамей Якубік газеце «Wyborcza».
У Павятовае упраўленне працы ў Сакулцы ў красавіку падалі заяўкі на працаўладкаванне замежнікаў 73 чалавекі, у траўні — 69.
‑ Кожны дзень падаецца яшчэ некалькі. На гэтым тыдні чакаем рэкорду, — кажа супрацоўніца Упраўлення працы ў Сакулцы Малгажата Эйсмант.
У Генеральным консульстве ў Гродне адзначаюць, што засталіся лічаныя дні, каб вырашыць і запрасіць беларускіх працоўных. Пазней консульствы могуць не даць рады з выданнем працоўных віз.
Літва зноў закрывае мяжу з Беларуссю — на нявызначаны тэрмін9
Літва зноў закрывае мяжу з Беларуссю — на нявызначаны тэрмін
Ездзілі шукаць нават у БССР, а неапазнанае цела 30 гадоў ляжала ў спецсховішчы. Новыя дэталі загадкавага знікнення ў ЗША беларускага пісьменніка Міколы Цэлеша22
Каментары