Масква і Мінск папярэдне зацвердзілі новую схему цэнаўтварэння на расійскі газ, у выніку яго цана для Беларусі знізіцца на чвэрць — са 132 да прыкладна 100 даляраў за тысячу кубаметраў. Пра гэта піша ў пятніцу, 26 жніўня, «Камерсант» са спасылкай на дасведчаныя крыніцы.
У цяперашні час кошт газу для Беларусі вызначаецца ў далярах з улікам цаны газу на Ямале, расходаў на транспарціроўку да саюзнай дзяржавы, захоўванне і рэалізацыю на мясцовым рынку. Новая формула мае на ўвазе фарміраванне цаны ў рублях, што зніжае для Мінска рызыкі, звязаныя з ваганнем курсу даляра.
З 2017 года, па інфармацыі выдання, цана газу для Беларусі будзе фармавацца па сярэдняй цане па адзінай сістэме газазабеспячэння (ЕСГ) Расіі, памножанай на падвышаючы каэфіцыент. У наступным годзе сярэдняя цана вызначана прыкладна на ўзроўні 4,05 тысячы расійскіх рублёў за тысячу кубаметраў. З улікам павышаючага каэфіцыента 1,48 Мінск будзе закупляць паліва па цане 6 тысяч рублёў за тысячу кубаметраў. Пры гэтым да канца 2016 года будзе ўсталяваная фіксаваная цана ў 6,3 тысячы рублёў за тысячу кубоў газу.
Акрамя таго, як паведамляе «Коммерсант», Масква і Мінск дамовіліся аб паступовым памяншэнні каэфіцыента, які да 2025 года, калі краіны Еўразійскага эканамічнага саюза павінны стварыць адзіны газавы рынак, дасягне адзінкі. Такім чынам Мінск будзе набываць газ у сярэднім па тым жа кошце, што і спажыўцы ў Расіі.
У выпадку зацвярджэння дамоўленасцяў на вышэйшым узроўні Беларусь пагасіць доўг перад «Газпромам», уключаючы пені, па старой цане, а Расея цалкам размарозіць пастаўкі нафты.
Асноўным каменем перапоны, па словах крыніц газеты, застаецца тэрмін пачатку прымянення новага пагаднення. Мінск настойвае на даце 1 ліпеня, у той час як Масква - на 1 жніўня. Доўг за газ за першыя паўгода дасягае каля 300 мільёнаў даляраў.
***
Разам з тым ва ўрадзе Беларусі не каментуюць інфармацыю аб узгадненні новай схемы цэнаўтварэння на расійскі газ для Беларусі.
«Перамовы па цане на газ працягваюцца», - падкрэсліў прэс-сакратар урада Уладзіслаў Сычэвіч.
Цяпер чытаюць
Памятаеце Асоль Слівец? Жыццё фрыстайлісткі змянілася да непазнавальнасці, цяпер яна Абігаль7
Каментары