Зборная Беларусі прайграла ў вырашальным матчы кваліфікацыйнага турніру зборнай Славеніі.
Сёння на «Мінск-Арэне» беларусы саступілі Славеніі з лікам 2:3 у серыі булітаў.
Беларусы прайгравалі пасля другога перыяду 0:2 (у альпійскай дружыны двойчы вызначыўся Рок Цічар), зраўнялі лік — 2:2 (дзве шайбы на рахунку Андрэя Сцяпанава), але… У серыі булітаў славенцы былі мацнейшыя. У нас апошні буліт не рэалізаваў Андрэй Касціцын.
Як і два гады таму, пуцёўку на Алімпіяду, што пройдзе ў лютым 2018 г. у карэйскім Пхёнчане, заваявала Славенія, якая курсуе паміж элітным і першым дывізіёнамі на чэмпіянатах свету.
Славенія — 8, Беларусь — 7, Данія — 3, Польшча — 0.
***
У хакейным алімпійскім турніры ў карэйскім Пхёнчане возьмуць удзел 12 камандаў. 9 пуцёвак былі вядомыя загадзя: Паўднёвая Карэя (гаспадыня), ЗША, Канада, Швецыя, Фінляндыя, Расія, Чэхія, Славакія, Швейцарыя (як зборныя з лепшым рэйтынгам).
Тры пуцёўкі былі разыграныя ў гэтыя дні. Як і Славенія, пуцёўку ў такім жа турніры заваявалі Нарвегія (турнір праходзіў у Осла) і Германія (у Рызе).
Дэйв Льюіс, трэнер зборнай Беларусі, пасля гульні, iihf.com
***
Беларуская хакейная каманда гуляла на Алімпіядах у 1998, 2002 і 2010 гг. На АГ у 2006 і 2014 г. яна не здолела прабіцца.
Біцэпсы Івана Краўцова здзівілі сацсеткі. Ён расказаў, як трымае сябе ў спартыўнай форме32
Біцэпсы Івана Краўцова здзівілі сацсеткі. Ён расказаў, як трымае сябе ў спартыўнай форме
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары